ပန်းသက်တမ်း

ကြွေကျခဲ့ရင်

မြေခမှာမို့ ....

ခြွေချအလှဆင်ခဲ့ရင် 

ဘဝင်မကျပေမဲ့

အဆင်သင့်အောင်

နေပါ့မယ် ....

ပန်းခွါညို

နှင်းရည်သောက်ပန်း

တင့်တယ်လန်းသည်

မြင်သူမြတ်နိုးဖွယ်ရာတည်း.....

နေညိုချိန်

နေညိုချိန်အလွမ်းဟာ

ပုံမှန်အချိန်တွေထက်ပိုကဲနေတတ်တယ်

တိတ်တဆိတ်ထွက်ခွါသွားတဲ့သူတစ်ယောက်ရဲ့

နောက်ကျောကိုဆွေးဆွေးမြေ့မြေ့ထိုင်ကြည့်နေရသလိုပါပဲ

ကြေကွဲစေတဲ့အလွမ်း

ဝမ်းနည်းစေတဲ့အလွမ်း

နှုတ်ဆက်တဲ့အလွမ်း

ပြန်ဆုံနိုင်မယ်လို့မျှော်လင့်လို့မရတော့တဲ့အလွမ်း 

အလွမ်းတွေပေါင်းဆုံစေတဲ့

နေညိုချိန်အလွမ်း .....

ပျံသန်းခြင်း

လက်လှမ်းမမှီ

ကမ်းမမည်တဲ့

ဟိုး .... အဝေးကြီးကိုရောက်ဖို့....

ပြီးတော့
မင်းနဲ့အဝေးကြီးဝေးဖို့ ....

ငါ့ရဲ့
တောင်ပံတွေဖြန့်

လေဟုန်နဲ့အတူ ဆန်တက်
လေပြင်းနဲ့လိုက်ပါပျံသန်းလို့ ...

တတ်နိုင်သလောက်

ငါ ထွက် သွား ပါ ရ စေ ....

တွဲလက်များ

တွဲခေါ်ဖို့

ဆွဲခေါ်ဖို့

နောက်ချန်မနေခဲ့စေဖို့

လဲကျမနေစေဖို့

နံဘေးမှာအတူတူလိုက်ပါစေဖို့

ကူညီသမှုနဲ့

နွေးထွေးစွာကမ်းလင့်တတ်တဲ့

လက်အစုံ ....

နှုတ်ဆက်ခြင်း

နေ့တစ်နေ့ရဲ့အစ
နေရောင်နွေးနွေးအောက်မှာ
မင်္ဂလာနံနက်ခင်းပါလို့

နှုတ်ဆက်ကြတယ် .....

အစပြုတိုင်းမှာ
နှုတ်ဆက်ကြသလို
အဆုံးသတ်တိုင်းမှာလည်း
နှုတ်ဆက်ကြတာပါပဲ.....

ပျော်ရွှင်ခြင်းနဲ့ခွဲခွါတာရှိသလို
ဝမ်းနည်းစွာနဲ့ကျောခိုင်းခဲ့ကြတာတွေလည်းဒုနဲ့ဒေး
တချို့ တချို့နှုတ်ဆက်ခြင်းတွေမှာ

အချစ်ပါသလို
အမုန်းလည်းမရှားပါဘူး .....

လူသားတိုင်း
နံနက်ခင်းမှာမင်္ဂလာရှိစွာတွေ့ဆုံကြသလို

မင်္ဂလာရှိစွာခွဲခွါနိုင်ကြပါစေ ......

အိမ်

ဝါးလုံးကိုအိမ်တိုင်ထူ

ဝါးထရံကာ ၊ဝါးကပ်မိုး
ဝါးကိုကြမ်းခင်းပါလို့
ဝါးရွက်နဲ့အလှဆင်

ဝါးပင်နဲ့တံတိုင်းခတ်
မြင်လေးတိုင်းစိမ်းနွဲ့ပါတဲ့

တို့များဝါးအိမ် ....

ရာသီချိန်

တစ်နေ့ပြီးတစ်နေ့
သက်တမ်းတွေ
တဖြည်းဖြည်းချင်းကုန်ဆုံးလာလေတိုင်း ....

ကောင်းကင်ပြာပြာကြီးရဲ့အောက်

တိမ်မျှင်တန်းဖြူဖြူတွေရှေ့မှောက်

တောတန်းစိမ်းစိမ်းတွေဝန်းရံခနေတဲ့
လယ်တောတွေရဲ့ရာသီချိန်ကို

ရင်သပ်ရှုမြင်ခံစားဖို့
ကိုယ့်မှာအခွင့်

ဘယ်လောက်များကျန်ပါလိမ့် .....

ကြယ်စင်များ

ကောင်းကင်မှာ

ကြယ်ပွင့်လေးတွေဟာ
လင်းတစ်ဝက် ၊ လက်တစ်ချက်နဲ့

ပြိုးပြိုးပြက်ပြက်ရှိလှတယ်
လမင်းကြီးသာမရှိခဲ့ရင်ပေါ့ .....

ခုတော့

နံနက်အလင်းအောက်မှာ

တောက်ပစွာလှပနေတဲ့

ကြယ်ပွင့်လေးတစ်ချို့ကို

ဖမ်းမိခဲ့တယ် ....

အစစ်မဟုတ်ပေမဲ့
ဖန်တီးမှုကြယ်လေးတွေအဖြစ်

သူတို့

အလှပဆုံးလင်းလက်နေခဲ့တယ် ....